【點揀啱自己嘅設計單位？】Freelancer 定設計公司？4大選擇逐個睇！

不少客人也面對選擇困難，不知如何選設計單位是一回事，不知道自己能選也是一回事。

香港做品牌、開舖、搞活動，唔搵設計真係行唔通。但市面上設計服務形形色色，概括而言最少有以下4個分類：
in-house、 freelancer、設計工作室、大型設計公司——邊個先啱你？
唔同size、唔同budget、唔同期望，就有唔同選擇。今日我哋就幫你逐個分析！

首先，我想向大家介紹4種單位分別合適什麼公司

1. In-house 設計師 [直屬設計師]

In-house設計師都是公司自發聘用的，這些公司知道自己需要經常設計、推廣、更新社交媒體等等。一個2年以上的In-house通常也會熟知品牌風格同工序，加上常註公司，改稿速度會有返咁上吓快。
不過，香港人工高，請人唔只係出糧咁簡單，仲要計MPF、有薪假、管理成本。同埋，你是否能用2年培訓一個設計師也是一個問號。如果設計任務太重複，in-house 更容易變成「美工」多過「設計師」，創意可能會慢慢被日常磨蝕。

✅ 適合咩公司？

有穩定設計需求（例如每個月都要出社交媒體、宣傳品）
想人貼身跟住你個品牌做長線
對風格一致性要求高

2. Freelancer [自由工作者]

Freelancer 就似係你 Design 嘅「僱傭兵」，用得好可以快速解決突發需要，而且收費一般較相宜，彈性大，適合短期project或者budget有限嘅中小企。
不過市面freelancer水平參差，有少少碰運氣成份，因為不是全職投入有時可能會出現「延期」、「貨不對辦」的情況。搵到合拍嘅freelancer係福氣，搵唔啱就可能要你自己執手尾。

✅ 適合咩公司？

Project-based (1-2件項目)
預算唔多，不介意設計品質
不介意設計品質

3. 設計工作室

設計工作室好似係自由市場同專業機構之間嘅「黃金中間人」。
通常由資深設計師主理，風格有主見之餘又肯同你溝。適合想有一定品牌策略，又要彈性執行的客戶。
設計工作室通常有不少盟友，以解決資源問題，香港好多有實力嘅品牌，都係由工作室操刀。
不過，工作室人手始終有限，工作必須按排期，所以唯一缺點係，如果你鍾意即叫即做，可能會覺得唔夠快。

✅ 適合咩公司？

中小企或創業品牌
想要質素＋風格＋諗法
想搵啲「有個性、又講人話」嘅設計師合作

4. 設計公司 (4As)

設計公司通常團隊和配備齊全，有AE（客戶主任）、設計團隊、創意總監，有時仲包埋市場策劃、拍片、印刷，一條龍服務，唔洗你煩。
當然公司收費較高，而且你未必直接能跟負責設計嘅人溝通，某啲細節可能經過幾重傳話才到設計師手上，但也因為這龐大的團隊和系統，往往能產出的多個設計選項及確保高品質創意的成品。
如果你有足夠的時間和金錢預算，這絕對是一個最佳選擇，適合大企業、大項目或者品牌重整等需要多部門配合嘅客戶。